Boetie Junior is die oudste kind van Herman en Magriet. Hy was nie ’n beplande kind nie en die rede vir hul troudag. Ná skool het hy nie universiteitstoelating gekry nie en soek steeds werk. Daarom kom hy en Herman nie oor die weg nie – as dit nie vir Magriet was nie “sou hy lankal sonder n dak oor sy kop gesit het,” soos Herman sou sê. Hy kuier gereeld saam met sy vriende in die verlate poskantoor en ou kafee se parkeerarea, waar hulle fietsry of katgevegte begin.